Mbi 5.500.000.000euro ka arritur shuma e përgjithshme e depozitave të kosovarëve në sektorin bankar të vendit.
Sipas Bankës Qendrore të Kosovës, nga kjo shumë e përgjithshme 3.600.000.00euro janë depozita të ekonomive familjare, përderisa rreth 2.000.000.000 euro janë depozita të korporatave.
Për këtë shumë miliardëshe, bankat komerciale u paguajnë depozituesëve normë vjetore të interesit prej 1.8%.
Në anën tjetër, shuma e përgjithshme e kredive të aprovuara nga bankat në janar 2023 ka arritur në mbi 4.300.000.000€. Ndërkaq, norma mesatare e interesit në kredi ka arritur në 6.6%, një rritje e konsiderueshme në raport me një vit më parë, shkruan FrontOnline
Nga normat e interesit dhe shërbimet bankat komerciale në Kosovë veç në muajin janar të këtij viti kanë fituar hiç më pak se 13.400.000.00 euro neto.
