Kryetari i Bashkimit Demokratik për Integrim në Maqedoni të Veriut, Ali Ahmeti bëri homazhe tek varret e Xhevë e Fehmi Lladrovcit, përcjell InLajmi.
Ahmeti tha se sot u është jetësuar amaneti për lirinë e Kosovës dhe se bashkë do të mbrojnë dinjitetin e saj.
Postimi i plotë i tij:
Sot përkujtova me mall dhe krenari në vendprehjen e tyre në Gllanasellë të Drenasit shokun tim të shpirtit dhe vëllain e idealit Fehmi Lladrovcin, heroinën Xhevë Lladrovci dhe të gjithë bashkëluftëtarët e mi të kësaj zone të rënë për lirinë e Kosovës.
Rrugët e jetës na i bashkoi kushtrimi i lirisë dhe sot po qëndroj pranë varreve të tyre për t’u thënë se e kemi jetësuar amanetin për lirinë e Kosovës dhe se bashkë do të qëndrojmë në mbrojtje të dinjitetit të saj.
Lavdi e përjetshme Fehmi dhe Xhevë Lladrovcit, të gjithë bashkëluftëtarëve të rënë për Kosovën e lirë dhe të pavarur! /InLajmi/
