Lideri i LDK-së, Lumir Abdixhiku në fjalën e tij në seancën solemne të Kuvendit të Kosovës me rastin e shënimit të Epopesë së UÇK-së, çmoi lartë sakrificën e familjes së komandantit legjendar Adem Jashari, luftën çlirimtare si përpjekje kolektive për liri, raporton InLajmi.
“Të kujtosh e shënosh epopenë e UÇK-së do të thotë të shënosh fundamentin e shtetit të Kosovës dhje përpjekjen tonë kolektive për liri”, deklaroi Abdixhiku.
Abdixhiku shtoi se në historinë e popullit të Kosovës nuk ka asnjë ngjarje tjetër që arrin të ofrojë sigurinë dhe dhembshurinë në të njëjtën kohë.
“Sepse Adem Jashari dhe familja e tij siç do thoshte presidenti Rugova po mbronin pragun e shtëpisë”, shtoi ai.
Tutje theksoi i pari i LDK-së se një popull që e donte lirinë siç e donte Adem Jashari dhe familja e tij do ta fitonte atë një ditë. /InLajmi/
