Kreu i AKR-së Behgjet Pacolli, ka kujtuar 25-vjetorin e rënies heroike të familjes Jashari në krye me komandantin Adem Jashari, përcjell InLajmi.
Pacolli thotë se populli ynë ka arsye të bollshme që të ndihet krenarë e të falënderojë familjen Jashari për sakrificën e bërë që ne të gëzojmë lirinë sot.
Ai gjithashtu thekson se nuk duhet të harrohet asnjëherë vënia para drejtësisë e autorëve të kësaj masakre makabre.
Postimi i plotë i tij:
Sot shenojmë 25 vjetorin e rënies heroike të komandantit legjendar Adem Jashari
me 54 anëtarë të tjerë të familjes Jashari.
Kemi arsye të bollshme të ndihemi krenarë, të festojmë, të falënderojmë këtë familje dhe të lutemi për ata që sakrifikuan, (shumëherë) jetën e tyre për lirinë tonë që gëzojmë sot dhe kurrë të mos abuzojmë me idealet për atë që ata sakrifikuan!
Në të njëjtën kohë, nuk duhet të harrojmë asnjëherë vënien para drejtësisë, kudo dhe kurdo, autorët e kësaj masakre makabre.
Lavdia qoftë me familjen Jashari dhe komandantin legjendar Ademin! /InLajmi/
