Babai i Dua Lipës, Dukagjin Lipa, ditën e sotme (e diel) feston ditëlindjen.
Ish-vokalisti i grupit “ODA” ka lindur në vitin 1969 në Prishtinë dhe mbush plot 54 vjet.
Ka qenë këngëtarja shqiptare me famë botërore që i ka bërë një dedikim në rrjete sociale duke publikuar disa fotografi të tyre të përbashkëta.
Në mesin e tyre kanë qenë edhe disa momente të bukura nga fëmijëria, kur krijuesja e hitit “Levitating” ishte e vogël.
“Gëzuar ditëlindjen binjak”, ka qenë shkrimi që Lipa ka bërë krahas këtij urimi.
Ajo e ka dëshmuar shumë herë se ruan një raport të ngushtë me të atin, meqenëse e ndjek vazhdimisht në çdo koncert apo paraqitje publike, shkruan Telegrafi.
Krahas Duas, Dukagjini dhe Anesa kanë bashkë dhe 2 fëmijë të tjerë: Rinën dhe Gjinin.
