Kreu i Aleancës për Ardhmërinë e Kosovës Ramush Haradinaj, në 25-vjetorin e rënies heroike të komandantit Adem Jasharit dhe famlijes së tij, ka bërë homazhe te varrezat në Prekaz, përcjell InLajmi.
Haradinaj thotë se historisë së Kosovës i dha vulë sakrifica sublime e familjes Jashari në krye me komandantin Jashari.
Ai thekson se familja Jashari do të jetë përjetësisht e nderuar dhe frymëzimi më i madh i dashurisë për kombin.
Sipas Haradinaj, epopeja e UÇK-së, si ngjarja më kulmore e historisë sonë kombëtare është e skalitur me emrat e heronjve, dëshmorëve e martirëve tanë.
Postimi i plotë i tij:
Historisë së Kosovës së lirë dhe të pavarur, i dha vulë sakrifica sublime e familjes Jashari në krye me Komandantin legjendar, Adem Jashari. Ata dhanë gjithçka që ishte e tyre, për gjithçka çfarë kemi ne sot. Familja Jashari do të jetë përjetësisht e nderuar dhe frymëzimi më i madh i dashurisë për kombin.
Epopeja e UÇK-së, si ngjarja më kulmore e historisë sonë kombëtare është e skalitur me emrat e heronjve, dëshmorëve e martirëve tanë.
Përulemi përjetësisht para veprës së familjes Jashari dhe gjithë brezave që u flijuan për liri.
Lavdi! /InLajmi/
