Shtetet e Bashkuara të Amerikës kanë reaguar pas takimit që u mbajt në Bruksel mes Kosovës dhe Serbisë, përcjell InLajmi.
SHBA i ka mirëpritur bisedimet e mbajtura në Bruksel mes 2 palëve, si dhe ka shprehur mbështetje për procesin e normalizimit të marrëdhënieve mes 2 vendeve.
“Shtetet e Bashkuara mirëpresin bisedimet e liderëve në kuadër të Dialogut të lehtësuar nga BE më 27 shkurt dhe mbështesin fuqishëm procesin e normalizimit të marrëdhënieve të tyre”, thuhet në njoftimin e Departamentit të Shtetit.
Zyrtarë nga Departamenti amerikan theksojnë se takimi i së hënës ishte një hap i mirë përpara, por që ende mbetet një punë e vështirë sa i përket dialogut.
“Takimi i djeshëm ishte një hap i mirë përpara, por mbetet punë e vështirë. Marrëveshja mbi aneksin e zbatimit mbetet thelbësore për normalizimin sipas propozimit të BE-së”. /InLajmi/
