Ish-kryeministri i Kosovës, Avdullah Hoti deklaroi se në krizën më të madhe në shumë vite po ulen rroga për disa sektorë, përcjell InLajmi.
Hoti ka numëruar rritjet e çmimeve që janë bërë në sektor të ndryshëm duke shtuar se tatimi në pronë po rritet.
Postimi i plotë i tij:
- Në krizën më të madhe në shumë vite, pagat ulen për një numër të të punësuarve, e për disa rriten shumë pak.
- Shtesa në pagë nga përvoja e punës përgjysmohet nga 0.5% në 0.25% për çdo vit përvojë.
- Tatimi në pronë rritet.
- Tatimi në Vlerën e Shtuar në mallra ushqimore nuk ulet, as akciza në naftë nuk ulet.
- Investimet publike bien në nivelin më të ulët historikisht.
- Në buxhet teprojnë mjetet, të cilat zhvlerësohen nga inflacioni.
- Subvencionohen kompanitë e sektorit të energjisë dhe bizneset, por askush nuk e di si dhe sa mjete të buxhetit janë shpenzuar.
- Në Kuvend vijnë marrëveshje për kredi për ndihma sociale. /InLajmi/
