Presidenti i Serbisë, Aleksandar Vuçiq, pas kthimit nga Brukseli ka paralajmëruar se do të mbajë një fjalim ku do të sqarojë gjithçka që ndodhi të hënën në takim me Albin Kurtin dhe emisarët evropian, transmeton InLajmi.
Për më tepër Vuçiq duket i frustruar me disa medie e politikanë që sipas tij nuk po shpërfaqin të vërtetën për takimin e Brukselit.
Ai ka falënderuar qytetarët e vendit për mbështetjen e dhënë, duke shkoqur disa detaje edhe nga takimi me Albin Kurtin.
“Ne luftuam më shumë që ishte e mundur në kushte të vështira, luftuam për të ardhmen e Serbisë në paqe, për vazhdimin e investimeve në vendin tonë, sikur edhe betimin tonë për respektimin e Kushtetutës në të cilën Kosova vazhdon të jetë në preambulën e Kushtetutës”.
Siç ka bërë të ditur ai, “mediat manjate, por edhe RTS dhe Tanjug” përhapin gënjeshtra për të, ndaj ai do t’u drejtohet qytetarëve sonte në orën 21:00 për të sqaruar se çfarë ka ndodhur në Bruksel.
“Sonte po i përgjigjem të gjithë mainipuluesve politikë dhe mediatikë që do e shkelnin vendin e tyre do të shkelnin vendin e tyre për një thërrime pushteti. Serbia nuk ka çmim, kjo është diçka që ata nuk e kuptuan kurrë. Ne do t’i mundim ata. Serbia do të fitojë”, ka thënë Vuçiq. /InLajmi/
