Deputetja e Lëvizjes Vetëvendosje Fitore Pacolli, ka lavdëruar kryeministrin Albin Kurti për politikën e udhëhequr në dialog me Serbinë, e cila solli njohjen e pasaportave nga Serbia, përcjell InLajmi.
Pacolli thotë se Kurti e detyroi Serbinë që t’ia njohë Kosovës pasaportën, e që sipas saj është politikani i vetëm që në dialog nuk po i jep Serbisë asgjë.
Ajo thotë se politikanët e së shkuares vetëm i kanë dhënë Serbisë në dialog.
Postimi i plotë i saj:
Dje, Përfaqësuesi i Lartë i Bashkimit Evropian, Joseph Borrell, në Zyrat e Shërbimit të Jashtëm, ndër të tjera tha që me Propozimin e BE-së, Serbia do t’ia pranojë Republikës së Kosovës pasaportën e saj.
A më thotë dikush se kush është njeriu që e detyroi Serbinë që t’ia njohë Republikës sonë pasaportën, e cila është dokumenti simbolik më i rëndësishëm i një shteti të pavarur në marrëdhëniet me jashtë?
Natyrisht, Kryeministri Kurti.
Politikanët e së shkuarës vetëm i jepnin Serbisë; tash jetojmë në kohë kur Serbisë nuk i japim më asgjë. Nga negociata për çështje të brendshme tash bëjmë negociata për pranim të shtetësisë e raporte të barabarta në marrëdhëniet ndërkombëtare. /InLajmi/
