Edhe ish-kryeministri, Isa Mustafa ka reaguar për marrëveshjen e pranuar në Bruksel nga kryeministri Kurti, përcjell InLajmi.
Mustafa tha se marrëveshja në pikën e 7 parasheh një formë të vet-menaxhimit për serbet në Kosovë, sipas përvojave evropiane.
Ai shtoi se presidentja Osmani, që sipas tij “vet-shitet” si jurist e fortë, duhet të tregojë se a është kjo në harmoni me Kushtetutën
Postimi i plotë i tij:
Marrëveshja bazë e pranuar nga Kryeministri Kurti në pikën 7 parasheh një formë të vet-menaxhimit për serbet në Kosovë, sipas përvojave evropiane.
Le të tregojë Presidentja Osmani, që vet-shitet si juriste e fortë se a është kjo në harmoni me Kushtetutën; a parasheh Kushtetuta e Kosovës të drejta asimetrike për komunitetet, që serbet të kenë të drejta kolektive të vet-menaxhimit, kurse komunitetet e tjera jo?
Menaxhimi përfshin planifikimin, organizimin, personelin, drejtimin (udhëheqjen) dhe kontrollin. Pra kompetenca ekzekutive. Këto i pranoi kryeministri ynë. Asociacioni është diçka tjetër. IM /InLajmi/
