Këtë të hënë janë ekzekutuar pagat e mësimdhënësve për muajin shkurt me 100 euro më shumë sesa muajt paraprak, shkruan InLajmi.
Kjo rritje erdhi për shkak të zbatimit të Ligjit për Paga, ligj ky që u miratua në Kuvendin e Kosovës.
Se mësimdhësit i morën pagat me rritje e konfirmoi edhe kryetari i SBASHK-ut, Rrahman Jasharaj në një deklaratë për Gazetën InLajmi.
“Nga telefonatat e para që kam nga tereni, kolegët me konfirmuan që pagat janë procesu siç thotë populli pra pagat kanë dal për muajin shkurt dhe këto paga kanë dal sipas ligjit për paga”, deklaroi Jasharaj për Gazetën InLajmi.
Mirëpo krye sindikalisti u shpreh i pakënaqur me këto paga pasi sipas tij ata nuk kanë pritur që vlera e koeficientit të jetë 105.
“Jo ne jemi deklaru edhe në fillimn se vlera 105 nuk ka qenë ajo që kemi pritur ne kemi insistuar 120”, shtoi ai.
Mirëpo Jasharaj tha se shpreson se vlera e koeficientit që të rritet viteve në vijim. /InLajmi/
