Ish-kryetari i Mitrovicës, Agim Bahtiri, ka thënë se në takimin e mbajtur në Bruksel të hënën, kryeministri i Republikës së Kosovës, Albin Kurti, nuk e ka pranuar në asnjë mënyrë “Zajednicën”.
Bahtiri ka thënë se është i bindur që marrëveshja e arritur më 2013 dhe 2015, lidhur me krijimin e Asociacionit, nuk do të realizohet ndonjëherë.
I pyetur se a e pranoi Kurti “Zajednicën”, Bahtiri tha se “Absolut jo… edhe unë jam i bindur që kjo marrëveshje, e cila u arrit më 2013 dhe u ratifikua në Kuvendin e Republikës së Kosovës, nuk do të ndodhë kurrë. Për modalitetet e tjera mund të bisedohet”.
Ndërkaq, ai ka thënë se ka përshtypje të mira nga takimi i së hënës, dhe se i njëjti, paraqet një sukses për Kosovën, shkruan TV Dukagjini.
Ndonëse marrëveshjet për Asociacionin u arritën në vitet 2013 dhe 2015, ishte Gjykata Kushtetuese, ajo e cila tha se marrëveshja e fundit nuk ishte në harmoni të plotë me Kushtetutën.
