Deputeti i Lëvizjes Vetëvendosje Haki Abazi, ka komentuar takimin që po mbahet në Bruksel mes kryeministrit Albin Kurti dhe presidentit serb Aleksandar Vuçiq, përcjell InLajmi.
Abazi thotë se pranimi i çfarëdo marrëveshje për Asociacionin e çfarëdo emërtimi, do të ishte vetëvrasje e menjëhershme politike.
Gjithashtu “vetëvrasje politike” Abazi e cilëson edhe mospranimin e planit franko-gjerman.
Sipas tij, varësisht prej marrëveshjeve që bëhen sot mund të ketë pasoja për Kosovën.
Postimi i plotë i tij:
Në ankthin e paguxueshmërisë dhe finales pa epilog
Pranimi i çfarëdo marrëveshje me asociacionin e çfarëdo emërtimi, do të ishte vetëvrasje e menjëhershme politike.
Mos pranimi i planit Franko-Gjerman është vetvrasje politike e ngadaltë politike. Me shumë pasoja!
Çfarë në fakt ka ndodhur për dy vite dialog për të arritur këtu ku vendi është sot. Rikonfirmim i 2013 apo izolim e ndëshkim…shumëçka por mbi të gjitha sot AUK duhet të shtrojë shumë pyetje sidomos nëse fati i procesit mund të udhëhiqet bazuar në preferenca personale! /InLajmi/
