Kryetari i Partisë Demokratike të Kosovës Memli Krasniqi, ka takuar ambasadorin e ri të Turqisë Tunç Angili, përcjell InLajmi.
Në këtë takim u diskutua për gjendjen aktuale në Turqi pas tërmetit shkatërrues që mori jetën e dhjetëra mijëra personave.
Krasniqi i ka shprehur ambasadorit Angılı solidaritetin dhe mbështetjen e plotë të PDK-së në angazhimin e popullit turk për ringritje shoqërore dhe shtetërore.
Postimi i plotë i tij:
Kisha kënaqësinë ta pres në selinë e Partisë Demokratike të Kosovës dhe t’i uroj mirëseardhje ambasadorit të ri të Turqisë, Tunç Angılı.
Përveç vazhdimit të bashkëpunimit të shkëlqyeshëm, së bashku diskutuam edhe për gjendjen aktuale në Turqi pas tërmetit shkatërrues që mori jetën e dhjetëra mijëra personave.
Ambasadorit Angılı i shpreha solidaritetin dhe mbështetjen e plotë të PDK-së në angazhimin e popullit turk për ringritje shoqërore dhe shtetërore.
Ambasadorin Angılı po ashtu e falënderova për mbështetjen e vazhdueshme që Turqia i jep Kosovës dhe qytetarëve tonë në shumë sfera. /InLajmi/
