Këtë të hënë pritet të mbahet takimi në Bruksel mes kryeministrit të vendit, Albin Kurti dhe presidentit serb, Aleksandar Vuçiq, ku pritet të diskutohet për normalizimin e marrëdhënieve dhe arritjen e një marrëveshjeje që do t’i paraprijë procesit të dialogut, përcjell InLajmi.
Ky takim ka ngjallur vëmendje të madhe, pasi Kosova është vënë në pozitën “zgjidh e merr” të pranojë apo të mos e pranojë planin franko-gjerman.
Shumë aktivistë të Lëvizjes Vetëvendosje kanë shprehur përkrahjen për kryeministrin Kurti, duke postuar në rrjete sociale hashtagun #meKryeministrin.
Përveç aktivistëve të VV-së, një veprim të tillë e ka bërë edhe shefi i kabinetit të Kurtit, Luan Dalipi, i cili në një postim ka shkruar #meKryeministrin.
Gjithashtu edhe shefi i kabinetit të kryeparlamentarit Glauk Konjufca, Ilir Kërçeli, ka shkruar “Jemi me ty kryeministër”. /InLajmi/
