Të hënën kryeministri i Kosovës, Albin Kurti dhe presidenti serb, Aleksandar Vuçiq do të takohen në ndërmjetësimin e Bashkimit Evropian.
Blloku evropian, po pret një përgjigje nga të 2 palët lidhur me propozimin që e ata e kanë ofruar, i cili ka për synim normalizimin e marrëdhënieve mes Kosovës dhe Serbisë.
Publicisti, Dushan Janjiq, vlerëson se ky është plani më i mirë ndër vite që ka dalë nga Bashkimi Evropian.
“Personalisht mendoj se ky është plani më i mirë ndër që vite është propozuar nga blloku evropian me synimin për t’i normalizuar marrëdhëniet mes Kosovës dhe Serbisë. Në këtë plan pranohet ekzistenca e shtetit të Kosovës, ndërsa më vonë do të flitet për njohjen e plotë të pavarësisë së Kosovës nga Serbia. Unë nuk shoh rrugë tjetër përveçse të normalizohen plotësisht marrëdhëniet mes të dyja vendeve”, ka thënë ai
Janjiq thotë se presidenti serb, Aleksandar Vuçiq, është mbështetur me shpatulla pas murit prandaj vendimin që ai do e marrë do ta përcaktoj të ardhmen e Serbisë.
Tutje, njohësi i çështjeve politike nuk sheh unifikim të spektrit politik në Serbi për propozimin franko-gjerman.
“Aleksandar Vuçiq tani është në një pozitë të vështirë, për shkak se në partinë e tij ka anëtare qe janë kundër propozimit franko-gjerman. Dyshime për këtë marrëveshje kanë edhe partneret e koalicionit të Partisë Progresive Serbe. Ndërsa në Parlamentin e Serbisë, partitë e ekstremit të djathë janë kundër çdo marrëveshjeje me Kosovën. Prandaj ka ardhur momenti që ai të përcaktohet për të ardhmen e Serbisë. Ky plan do të tregoj përfundimisht se në çfarë drejtimi po shkon Serbia”, ka thënë ai për TëVë1.
Në takimin që do të zhvillohet të hënën me 27 shkurt në Bruksel, prezent do të jetë edhe shefi i diplomacisë evropiane, Josep Borell.
