Kryetari i Partisë Demokratike të Kosovës Memli Krasniqi në ditëlindjen e 87-të të Adem Demaçit ka kujtuar veprën dhe sakrificen e tij, përcjell InLajmi.
Krasniqi e ka cilësuar si qëndistar të pa përsëritshëm me vepren dhe sakrificën e tij për liri dhe pavarësi.
Ai tha se Demaçi ishte guximtar në ideologjinë e tij për Kosovën.
Postimi i plotë i tij:
Qëndrestari i papërsëritshëm i vendit tonë, Adem Demaçi, sot do të mbushte 87 vjet.
Në datën e lindjes së tij, si shoqëri dhe si shtet, ndjehemi tej mase krenarë që ai jetoi dhe veproi mes nesh dhe për ne.
Historia e përpjekjeve të popullit tonë për liri dhe pavarësi nuk do të ishte asnjëherë kaq e sukseseshme pa sakrificën, guximin dhe veprimtarinë e Bacës Adem.
Prandaj, në këtë datë të rëndësishme që shënon lindjen e tij, kujtojmë dhe nderojmë jetën e Adem Demaçit – djaloshit që guxoi, burrit që nuk u mposht asnjëherë dhe plakut që vdiq i lirë./InLajmi/
