Një teleskop japonez kapi imazhe dhe video të një vorbulle blu fluturuese mbi Hawaii, transmeton InLajmi.
“Kamera e yllit Subaru-Asahi kapi një vorbull misterioze fluturuese mbi Maunakea, Hawaii”, e cila “duket të jetë e lidhur me lëshimin e një sateliti të ri nga kompania SpaceX”, thuhet në faqen e Teleskopit Subaru.
Në video, objekti fillon si një sferë e vogël e bardhë që fluturon nëpër qiellin e natës. Më pas zgjerohet në një vorbull ndërsa udhëton përpara se të zbehet në një formë unaze dhe të zhduket.
Rikujtojmë se SpaceX lëshoi një satelit me pozicion global në orbitë të mesme në orën 7:24 të mëngjesit të së njëjtës ditë nga Stacioni i Forcave Hapësinore Cape Canaveral në Florida, shkruan CNN.
Kjo nuk është hera e parë që një nisje e SpaceX ka krijuar diçka misterioze në qiell. /InLajmi/
