Në një intervistë të fundit me Glamour UK, ajo reflektoi mbi vendimin historik që mbronte të drejtën kushtetuese të një personi për të kryer një abort, duke thënë se ajo kishte kaluar një abort në fillim të të 20-ave.
“Kjo ishte gjithashtu diçka për të cilën nuk doja të flisja sepse ishte shumë turp” tha ajo për gazetën në një intervistë të botuar më 23 shkurt. “Unë isha fëmijë dhe nuk isha gati për këtë.”
Por siç vuri në dukje 42-vjeçarja, ajo e kupton rëndësinë e ndarjes së historisë së saj tani.
“Unë mendoj se është e rëndësishme,” vazhdoi Paris. “Ka kaq shumë politikë rreth saj dhe gjithçka, por është trupi i një gruaje… Pse duhet të ketë një ligj të bazuar në këtë? Është trupi juaj, zgjedhja juaj.”
Ajo shtoi, “Më shqetëson që ata po bëjnë ligje për atë që ju bëni me shëndetin tuaj riprodhues, sepse nëse do të ishte anasjelltas me djemtë, nuk do të ishte aspak kështu.”
Ajo gjithashtu ka bërë rrëfim tjetër tronditës. Hilton u shpreh se ishte përdhunuar në moshën 15-vjeçare, nga një djalë më i madh në moshë.
Abuzuesin e takoi në një qendër tregtare në Kaliforni dhe ai i hodhi diçka në pije, për të përfituar nga situata. Asokohe, Paris jetonte me gjyshen e saj në Palm Springs dhe shpesh vizitonte qendrat tregtare.
“Kur piva 1 ose 2 gllënjka, menjëherë po ndieja marramendje. Nuk e di çfarë më hodhi në pije, mendoj se ishte Rohypnol. U zgjova në mëngjes dhe e dija që diçka e keqe kishte nodhur. E mbaja mend. Kisha vizione të tij sipër meje, duke më mbyllur gojën, duke më pëshpëritur në vesh ‘po ëndërron’, rrëfeu 42-vjeçarja.
Hilton ka pasur një fëmijëri shumë të vështirë, që nga eksperiencat e mësipërme, e deri te rrëfimi se ishte abuzuar seksualisht nga anëtarë të stafit të shkollës “Provo Canyon”, duke thënë se ata bënin “ekzaminime” me trupin e vajzave, veçanërisht me organet gjenitale.
“Rreth orës 3 ose 4 të mëngjesit, ata më merrnin mua dhe vajzat e tjera në dhomë dhe kryenin ‘ekzaminime mjekësore’. Nuk e di se çfarë bënin, por përfundimisht, nuk ishin mjekë. Ishte vërtet e frikshme dhe është diçka që e kisha bllokuar prej vitesh, por tani, por sot duke e parë si një e rritur, ishte padyshim abuzim seksual”– ka shprehur Hilton, shkruan Revista Class.
3 miq të vjetër të Paris, me të cilët kishte ndjekur studimet në këtë shkollë, aprovuan rrëfimet e saj për abuzim.
