Një aksident i rëndë trafiku ka ndodhur këtë të premte rreth orës 11 në fshatin Hodonovc të Kamenicë.
Nga ky aksident një person ka humbur jetën dhe 3 të tjerë janë lënduar.
Në mesin e të lënduarve është një nënë me fëmijën e saj dhe një person i moshës 20 vjeçare.
Që të 3 të lënduarit u dërguan nga Spitali i Gjilanit për në QKUK për shkak të gjendjes së tyre të rëndë.
Nga spitali thonë se gjendja e nënës dhe foshnjës së saj vazhdon të jetë kritike. Në gjendje të rëndë vazhdon të jetë edhe personi i 3 i moshës 20 vjeçare, shkruan Insajderi.
“Zyra për Informim e ShSKUK, ju konfirmon se rreth orës 14:00, në Klinikën Emergjente kanë ardhur 3 pacientë të lënduar si pasojë e aksidentit në trafik, dy prej tyre në gjendje kritike, kurse personi tretë në gjendje të rëndë. Ekipet mjekësore emergjente kanë ofruar të gjitha shërbimet e nevojshme mjekësore. Fëmija 1 vjeç, në gjendje kritike, një paciente e datëlindjes 1990, po ashtu në gjendje kritike. Pacienti i datëlindjes 2003, në gjendje të rëndë. Aktualisht, të gjithë po trajtohen në Klinikën Emergjente“, bëri të ditur zyra e SHSKUK-së.
