Një aksident i rëndë trafiku ka ndodhur në fshatin Hodonovc të Kamenicës, përcjell InLajmi.
Si pasojë e aksidentit, një 33-vjeçar ka ndërruar jetë dhe 3 persona të tjerë janë lënduar.
Lajmin për aksidentin e ka bërë të ditur zëdhënësi i Policisë për rajonin e Gjilanit, Valon Osmani, i cili tha se shkaqet e aksidentit mes 2 veturave janë të panjohura derisa theksoi se hetuesit policorë kanë dalë në vendin e ngjarjes.
Njoftimi i plotë nga Policia e Kosovës:
Drejtoria Rajonale e Policisë Gjilan, Stacioni Policor Kamenicë me datën 24.02.2023, rreth orës 10:43 ka pranuar informacion se në fshatin Hodonovc, Komuna e Kamenicës ka ndodhur një aksident trafiku në mes të dy automjeteve me tabela vendore.
Hetuesit policorë kanë dalë në vendin e ngjarjes së bashku me ekipin mjekësor dhe njësitin e zjarrfikësve. Si pasojë e këtij aksidenti një person mashkull kosovar rreth moshës 33 vjeçar nuk ka arritur që të u mbijetoj lëndimeve dhe ka ndërruar jetë, vdekjen e të cilit e ka konfirmuar mjekut kujdestar në vendin e ngjarjes.
Nga ky aksident edhe 3 persona tjerë kanë pësuar lëndime trupore të cilët janë duke marrë trajtim në qendrën emergjente në Gjilan.
Shkaqet e aksidentit ende janë të pa njohura dhe po hetohen nga hetues policor të aksidenteve. /InLajmi/
