Zëdhënësja e LDK-së, Sibel Halimi e ka quajtur të papranueshme gjuhën e përdorur në Kuvend nga partia në pushtet, Vetëvendosje, përcjell InLajmi.
Halimi tha se qasja e tillë vije si rezultat i kombinimit të paaftësisë e popullizmit.
Ajo shtoi se LDK, edhe pse është në opozitë do të vazhdoj përpjekjet për të bërë më të mirën për qytetarët
Postimi i plotë i saj:
Adresa e degradimit është popullizmi
Jashtëzakonisht shqetësuese gjuha e përdorur nga partia e pushtetit në Parlamentin e Republikës së Kosovës. Pushtetarët mallkojnë deputetët, madje arrijnë deri në atë nivel sa edhe deklarohen se do të donin t’ia mbyllnin gojën atyre.
E papranueshme arroganca dhe presioni që kanë zgjedhur për të komunikuar me fjalën, mendimin e lirë e me qytetarët tanë. Fatkeqësisht, qasja e tillë vije si rezultat i kombinimit të paaftësisë e popullizmit. Degradimi është pritur, gjithmonë duke pasur parasysh mënyrën se si u ngjitën në krye të vendit. Kjo parti në fakt është duke u ballafaquar me braktisjen e vetes, tjetërsimin. Prandaj, janë të humbur në kohë dhe hapësirë dhe qytetarët nuk janë prioriteti i tyre. Ndonëse, janë duke u ballafaquar me krizat nga më të ndryshmet, pushteti votoi kundër rezolutës së propozuar të LDK-së për mos rritjen e tatimit, duke ofruar zgjidhjen më të mirë. LDK, edhe pse është në opozitë do të vazhdoj përpjekjet për të bërë më të mirën për qytetarët. /InLajmi/
