Analisti Visar Ymeri është shprehur Lëvizja Vetëvendosje si parti i ka trajtuar edhe më herët deputetët jo aq mirë dhe ka thënë se një gjë e tillë nuk ka ndodhur vetëm ndaj deputetit Haki Abazi.
Megjithatë, sipas Ymerit LVV i ka trajtuar më keq personat që kanë kontribuar në të më shumë se Abazi.
“Mënyra se si e ka trajtu Vetëvendosja Haki Abazin, unë mendoj se Haki Abazi është duke folur qetash për diçka që ky e ka ditur, dmth jo vetëm Haki Abazi por edhe shumë aty e kanë ditë. Vetëvendosja i ka trajtuar njerëzit që kanë kontribuar shumë më shumë në LVV goxha më keq se Haki Abazin. Nuk e mbështesë një sjellje të tillë ndaj askujt, nuk është hera e parë që VV e bën këtë… shpresoj të jetë e fundit”, ka thënë Ymeri.
Ndërsa, ka theksuar se rasti Dehari edhe nëse ka qenë vetëvrasje duhet zbardhur e hulumtuar, pasi përgjegjësi edhe në raste të tilla kanë organet kompetente.
“Edhe nëse ka qenë vetëvrasje kjo e Astrit Deharit prape këtu ka përgjegjësi organet shtetërore, në këtë rast Organi i Korektimit, pra i Burgjeve. Kanë përgjegjësi edhe nëse është vetëvrasje, duhet me u zbulu, duhet me u marrë vesh njëherë e përgjithmonë”, u shpreh Ymeri për TV Dukagjinin.
I pyetur për çështjet e ngritur nga Abazi lidhur me rastin Dehari, ai ka thënë se Abazi nuk është dashur ta përdor rastin Dehari ‘për qërim hesapesh politike’.
