Ministrja e Ekonomisë Artane Rizvanolli, ka raportuar në Komisionin për Ekonomi, Industri, Ndërmarrësi dhe Tregti, për punën e ministrisë në vitin 2022 dhe 2023, raporton InLajmi.
Rizvanolli theksoi se posta dhe telekomi vazhdojnë të operojnë me humbje më të vogla viteve të fundit.
“Posta dhe Telekomi janë përballur me humbje dhe po vazhdojnë të operojnë me humbje, por dukshëm më humbje më të vogla”.Infrakos dhe Trainkos po operojnë gjithashtu me humbje. Ndërmarrja ‘Ibër Lepenc’ ka përmbyllur vitin me fitim”.
Ajo njoftoi se Ministria është duke operuar me krizën që e ka përfshirë ndërmarrjen Trepça.
“Ndërmarrja ‘Trepça’ shkaku i krizave është duke operuar me humbje, por jemi duke monitoruar situatën. Gjithashtu jemi edhe në proces të rivlerësimit të pajisjeve për t’i regjeneruar disa pajisje që janë të vjetra e disa jashtë përdorimit”. /InLajmi/
