Trajneri gjerman Thomas Tuchel mund të rikthehet në bankinën e Paris Saint-Germain për të zëvendësuar Christophe Galtier, nëse skuadra eliminohet nga Bayern Munich në Champions League.
Parisienët u mundën 0:1 në ndeshjen e parë të 1/8 në Paris dhe do të kenë një detyrë të vështirë për ta përmbysur rezultatin në Munih në ndeshjen e kthimit.
Galtier u soll në Paris me synimin që PSG të fitojë përfundimisht trofeun e Ligës së Kampionëve, por atij nuk i ka shkuar mirë me ekipin kohët e fundit. PSG ka regjistruar 3 humbje, tashmë është eliminuar nga Kupa e Francës pas humbjes nga Olympique Marseille dhe është vetëm pesë pikë para të njëjtit rival në Ligue 1.
Tuchel ishte në bankinën e PSG-së nga viti 2018 deri në vitin 2020, teksa u shkarkua më 25 dhjetor 2020. Më pas ai u transferua te Chelsea dhe disa muaj më vonë fitoi Ligën e Kampionëve, shkruan arbresh.info.
Edhe gjermani raportohet se ka dëshirë të rikthehet në bankinën e PSG-së, duke pasur parasysh që drejtori sportiv Leonardo u largua nga klubi, me të cilin nuk kishte marrëdhënie të mira.
