Presidentja e Kosovës Vjosa Osmani, ka dekoruar me Medalje Presidenciale Ushtarake pjesëtarët e Forcës së Sigurisë së Kosovës për misionin e tyre të kërkim-shpëtimit në Turqi, përcjell InLajmi.
Osmani thotë se FSK tregoi trimëri, guxim e sakrificë të pashoq për shpëtimin e jetëve të njerëzve të prekur nga tragjedia e tmerrshme e tërmeteve në Turqi.
Sipas Osmanit, Forca jonë e Sigurisë mbetet sinonim i paqes dhe sigurisë në vend dhe në botë.
Postimi i plotë i saj:
Sot nderova Kontigjentin e Forcës së Sigurisë së Kosovës të angazhuar në misionin humanitar të kërkim-shpëtimit në Turqi me Medaljen Presidenciale Ushtarake, për trimërinë, guximin e sakrificën e pashoq për shpëtimin e jetëve të njerëzve të prekur nga tragjedia e tmerrshme e tërmeteve në Turqi.
Forca jonë e Sigurisë mbetet sinonim i paqes dhe sigurisë në vend dhe në botë! 🇽🇰 /InLajmi/
