Kosovare Asllani ishte larguar nga grumbullimi i Kombëtares së Suedisë për të ardhur në Kosovë në Ditën e Pavarsisë.
Mediat në Suedi shkruajnë për këtë udhëtim të futbollistët së AC Milan dhe thonë se ajo u trajtua si mbretëreshë.
Asllani tregon se për herë të parë në Kosovë kishte ardhur me babai e saj dhe kjo ishte shumë emocionuese.
“Në fakt babain tim e kisha me vete për herë të parë. Ishte shumë emocionuese. Mendoj se është e rëndësishme të kujtoj edhe rrënjët e mia. Prindërit e mi kanë lindur dhe janë rritur në Kosovë. Kështu që ishte e madhe për ta dhe për mua sigurisht”, ka thënë Asllani në intervistën e saj për mediat në Suedi.
Futbollistja e klubit italian beson se në futbollin e femrave në Kosovë është investuar shumë dhe se synimi i Kombëtares është ngjitja sa më lartë në rënditjen e FIFA-s.
“Unë u trajtova si mbretëreshë kur arrita atje. Ishte frymëzuese për mua. Njerëzit mendojnë se Kosova është mbrapa, por është shumë para sa i përket barazisë gjinore”, shtoi tutje futbollistja, transmeton Lajmi.net.
Kosovare Asllani sonte luan ndeshjen miqësore me Suedinë kundër Kombëtares së Gjermanisë. Kjo ndeshje nis nga ora 20:00.
