Me një ceremoni solemne, në objektin e minierës së “Trepçës” është hapur manifestimi “Java e Minatorëve”, kushtuar grevës së lavdishme të minatorëve të Trepçës, të vitit 1989, përcjell InLajmi.
Në këtë ceremoni morën pjesë kryetari i Komunës së Mitrovicës, Bedri Hamza, kryeministri i Republikës së Kosovës, Albin Kurti, ministrja e Ekonomisë Artane Rizvanolli, si dhe kryeshefi i Ndërmarrjes “Trepça”, Enis Abdurrahman.
Kryetari i komunës, Bedri Hamza, para të pranishmëve tha se shënimi i kësaj ngjarje për të është edhe emocion, sepse ishte punëtor i kombinatit “Trepça” dhe njëkohësisht pjesëmarrës në grevat e organizuara nga minatorët.
Postimi i plotë nga Komuna e Mitrovicës:
Shënohet 34 vjetori i grevës së minatorëve të “Trepçës”
Me një ceremoni solemne, sot, në Stan Tërg, në objektin e minierës së “Trepçës” është hapur manifestimi “Java e Minatorëve”, kushtuar grevës së lavdishme të minatorëve të Trepçës, të vitit 1989.
Në shënimin e kësaj ngjarjeje historike të minatorëve morën pjesë kryetari i Komunës së Mitrovicës, z.Bedri Hamza, kryeministri i Republikës së Kosovës, z.Albin Kurti, ministrja e Ministrisë së Ekonomisë, znj.Artane Rizvanolli, u.d i Kryeshefit të Ndërmarrjes “Trepça”, z.Enis Abdurrahman, drejtor të drejtorive komunale, minatorë grevistë dhe minatorë aktual.
Në fjalën e tij, kryetari i komunës, z. Bedri Hamza, para të pranishmëve tha se shënimi i kësaj ngjarje për të është edhe emocion, sepse ishte punëtor i kombinatit “Trepça” dhe njëkohësisht pjesëmarrës në grevat e organizuara nga minatorët.
“Greva e Minatorëve e vitit 1989 ka qenë nga grevat e para, mos të them të vetmet e cila nuk ka përmbajt kërkesa sociale, por ka pasur kërkesa politike, në qendër ka pasur mbrojtjen e të drejtave dhe lirive edhe ashtu të pa plota të kombit shqiptar”, ka thënë kryetari z. Hamza.
Më tutje kryetari z.Hamza, tha se minatorët nuk u ndalën me greva, e vazhduan angazhimin e tyre politik në lëvizjen paqësore edhe gjatë viteve të 90-ta, nuk e menduan përfundimin e tyre për kontributin për vendin dhe lirinë dhe një pjesë e madhe e tyre iu bashkangjiten projektit më madhor politik dhe ushtarak të UÇK-së. /InLajmi/
