Rrugët e qyteteve të Kosovës kanë numër të madh të lëmoshë-kërkuesve, persona këta që shpesh herë janë raportuar si të shfrytëzuar në formën e trafikimit me njerëz, përcjell InLajmi.
Se ka numër të madh të lëmoshë-kërkuesve në tërë territorin e Kosovës e konfirmoi edhe Policia në një përgjigje më shkrim për Gazetën InLajmi.
Kjo pasi nga policia njoftuan se vetëm gjatë vitit 2022 ata kanë identifikuar 488 persona lëmoshë kërkues.
“Nëse personat lëmoshë kërkues gjatë legjitimimit rezultojnë se janë pa dokumente përkatëse të leje qëndrimit në Kosovë të njëjtit u nënshtrohen procedurave për largim nga territori i Republikës së Kosovës”, u deklaruan tutje nga Policia për InLajmin.
E sipas Policisë nga të gjitha qytetet e Kosovës me numrin e lëmoshë kërkuesve prijnë: Prishtina, Prizreni, Peja dhe Ferizaji. /InLajmi/
