Sulmuesi i Kombëtares së Kosovës, Vedat Muriqi ishte një nga protagonistët kryesor pse Mallorca arriti fitore 4 me 2 ndaj Villarrealit në xhiron e 22-të në La Liga.
Muriqi realizoi një gol dhe bëri një asist në këtë ndeshje tejet interesante.
Lojtari kosovar luajti deri në minutën e 81’të, pastaj u zëvendësua nga Prats.
Sipas sajtit të njohur ‘Sofascore’, Vedat Muriqi ishte një nga lojtarët më të mirë në fushë. Ai kishte notën 7.8, me një gol dhe një asist – një shans të krijuar dhe 3 goditje në portë.
Muriqi poashtu i ndihmoi klubit të tij edhe në aspektin defansiv, ku pati 3 spastrime të topit branda zonës, shkruan Lajmi.net.
‘Pirati’ ashtu siç e quajnë në Mallorca tani ka shkuar në kuotën e 9 golave në La Liga, më shumë se yjet e kësaj lige, si: Griezmann, Alvaro Morata dhe Vinicius Juniors.
