Me vetëm 27 paund britanikët mund të udhëtojnë në Shqipëri, e cila është njësoj si Maldivet, shkruan Hope Brotherton për një nga gazetat më të shitura britanike”The Sun”. Për shkak të plazheve të saj me rërë, ujërave të virgjëra dhe shtëpizave piktoreske prej druri, Maldivet janë një destinacion ëndrrash, por me një çmim të lartë.
Për pushuesit që duan të shijojnë një pjesë të parajsës, por nuk mund të shpenzojnë 800 paund në fluturimet e kthimit, ata do të jenë të kënaqur të dinë se ka një alternativë shumë më afër shtëpisë. Shqipëria, që ndodhet midis Malit të Zi dhe Greqisë, ka parë një fluks vizitorësh në vitet e fundit.
Rritja e popullaritetit të vendit është kryesisht falë ”ushtrisë” së TikTok-ut dhe influencerëve të medias sociale që kanë pushuar në Rivierën Shqiptare. Një nga zonat më të njohura është një fshat i vogël në jug, i quajtur Ksamil.
Videot e vendpushimit bregdetar – i cili krenohet me ujërat bruz dhe që një grup udhërrëfyesish turistikë e përshkruan si një Bora Bora, kanë mbledhur më shumë se 60 milionë shikime në TikTok.
Shumë sugjerojnë se është njësoj të vizitosh Maldivet, por dukshëm më pak i kushtueshëm. Një influencer ukrainas ka lavdëruar së fundmi Ksmailin në një video në Instagram. Yulija Berkuta shkruan se ”Ksamili është një nga vendet më befasuese që kam vizituar në Ballkan”.
“Ky fshat është shtëpia e ushqimeve të shijshme të detit, një deti shumëngjyrësh dhe ishujsh të bukur që ndodhen afër nga fshati”,shkruan ajo.
Yulija nuk është personi i vetëm në rrjetet sociale që ka lavdëruar parajsën evropiane. Krijuesja e sugjerimeve të udhëtimit, Caitlyn, e cila njihet edhe si the.wanderlust.times, postoi një video në lidhje me udhëtimin e saj të fundit.
Ajo tha se “ju gjeni Maldivet evropiane dhe janë një nga vendet më të lira ku keni udhëtuar”. Fluturimet kushtojnë deri në 27 paund me linjat direkte për në Tiranë, kryeqytetin e vendit. Nga Tirana, është katër orë me makinë deri në Ksamil.
Çfarë është Riviera Shqiptare?
Riviera Shqiptare është një vijë bregdetare që shtrihet nga veriu në jug të Shqipërisë. E quajtur ndryshe edhe Bregu, nga vendasit, ka plazhe me rërë dhe vende të UNESCO-s.
Shtrihet nga Vlora në veri deri në Ksamil në jug. Muajt e verës janë koha më e mirë për t’u vizituar, ku maji deri në shtator është më i ngrohti, me temperatura maksimale 28 gradë C. Është më e ngarkuar gjatë korrikut dhe gushtit.
Ku janë plazhet më të mira në Shqipëri?
Shumica e plazheve shqiptare janë të gjera dhe me rërë, kështu që ju duhet të zgjidhni se ku të shkoni. Pjesa më veriore e Rivierës është Vlora, ku shumica e njerëzve do ta vizitojnë përpara se të zbresin në bregdet, megjithëse ka plazhet e veta.
Më në jug të vijës bregdetare është Dhërmiu – është një nga plazhet më të mëdhenj dhe më të famshëm, kështu që nuk do të mundoheni të gjeni një vend.
