La Gjermaninë. E erdhi në Kosovë për ta mbrojtur me pushkë atdheun.
Ish-komandanti i brigadës 161 të zonave operative të Nerodimës, Ahmet Kaçiku dha kontribut të madh në Ushtrinë Çlirimtare të Kosovës gjatë viteve 1998-99.
Në kohën kur Ahmeti vepronte, djali i tij Festimi i kishte një vjet.
Andaj për namin e babait të tij dëshmor kishte kuptuar vetëm nga ato që i kanë treguar tjerët.
“Unë kam qenë shumë i vogël në kohë të luftës, pos një vjet e diçka i kam pasë. Ai është vrarë në janar të vitit 1999, kurse unë në shkurt i kam mbush 2 vjet. Duke u rrit e kuptoja që diçka më mungonte, po nuk e kisha idenë sepse isha i vogël ta kuptojë mirë”, u shpreh Festimi.
Ahmeti nuk ishte i vetmi nga familja Kaçiku që u përfshi në UÇK.
“Jemi krenar me babain, jemi krenar edhe me hallën tonë, e cila ishte pjesë e UÇK-së. Jemi krenar edhe me axhin tonë i cili është veteran, i ndjerë. Jam krenar me familjen time”, theksoi djali i tij, Festimi.
Festimi nuk është i kënaqur me trajtimin që iu bëhet nga shteti.
“Përpos një pensioni, të cilin e marrim, jeni në kategorinë e rasteve sociale, nuk kemi asnjë trajtim. Shteti nuk ka bërë kurgjo. Asnjë qeveri. Asnjë benefit”, deklaroi Festimi.
Për fund, ai tha se ëndrra e babait të tij nuk është plotësuar komplet.
“Një pjesë e betimit është bërë sepse në betim thuhet se do t`i çlirojmë të gjitha trojet shqiptare. Pjesa e Kosovës është çliruar. Ka mbet edhe një pjesë e betimit me u përmbush”, rrëfeu Festimi për Front Oline.
Ahmeti ka lënë pas vetes gruan dhe 3 fëmijët.
