Kryetari i Prishtinës Përparim Rama, e ka cilësuar 17 shkurtin 2008 si “ditën më të veçantë për popullin tonë”, raporton InLajmi.
“Sot është dita më e veçantë e vitit për popullin tonë, sepse festojmë përvjetorin e shpalljes së Kosovës, shtet të pavarur. Të gjithë ne në këtë sallë jemi mjaft të vjetër sa më e mbajtë mend sistemin e dikurshëm Jugosllav, kemi pasë kush më shumë e kush më pak, fëmijëri të vështira”.
Rama e ka vlerësuar lart kontributin e Rugovës për Pavarësinë e Kosovës.
“Vizioni i Rugovës për Kosovën e pavarur bazohej në parimet e demokracisë, të drejtave të njeriut dhe të bashkëjetesës paqësore me vendet fqinje. Për realizimin e këtij qëllimi doktor Rugova u angazhua në misione të shumta diplomatike dhe avookuese në skenën ndërkombëtare. Punoi pa u ndalë asnjëherë për të ndërtuar mbështetjen për pavarësinë e Kosovës në mesin e vendeve perëndimore dhe të organizatave ndërkombëtare. Prandaj sot kur shënojmë 15 vjetorin e pavarësisë së vendit tonë, është një ditë e qëlluar edhe me kujtua kontributin e jashtëzakontë të liderit tonë të kohëve më të vështira doktor Ibrahim Rugovës që me të drejtë brezat e rinj do ta njohin si presidenti historik i Kosovës”.
Gjithashtu Rama kujtoi edhe rolin e pashoq të Ushtrisë Çlirimtare të Kosovës, që sipas tij, ata ishin në gjendje të ta rrezikonin edhe jetën e tyre për liri.
“Dhe s’do mend se në një ditë si kjo, kur shënojmë 15 vjetorin e pavarësisë së vendit tonë kujtojmë edhe rolin e pashoq të Ushtrisë Çlirimtare të Kosovës, të kësaj ushtrie të trimave e trimëneshave që ishin të gatshëm me rreziku madje edhe jetën për me jetësuar ëndrrën tonë shekullore, çlirimin e Kosovës nga zgjedha serbe në vitet e 90-ta”. /InLajmi/
