Kryeministri i Republikës së Kosovës Albin Kurti në vazhdën e aktiviteteve në nder të përvjetorit të Pavarësisë së Kosovës ka mbajtur fjalimin e radhës, në sheshin Zahir Pajaziti, ndërsa theksoi se deri në arritjen e bërjes së shtetit dhe Ushtrisë së Kosovës është dashur shumë mund dhe sakrificë, raporton InLajmi
“Këto rrugë që do të parakalojnë forcat tona, janë rrugë që dikur parakalonin protestuesit. Është dashur shumë mund dhe shumë punë që të vije kjo ditë. Në këtë ditë të shenjtë kujtojmë Demaçin, Rugovën dhe Jasharajt. Vendi ynë ka kaluar shume sfida muajt e fundit, por Policia e Kosovës ka treguar profesionalizëm të lartë. Teksa në sfond ndryshon gjendja globale e sigurisë, FSK punon çdo ditë që ta ndjek këtë ritëm”, tha Kurti, teksa përmendi edhe shtimin e buxhetit për FSK dhe të ushtarëve në këtë Forcë.
Ai tha se 612 ushtarë të rinj u bashkuan radhëve të FSK-së.
“Sivjet kemi edhe 612 ushtarë të rinj. Buxheti për mbrojtje është rritur vitin e kaluar për 52% e sivjet e kemi rritur edhe 20 % Ashtu si ditën kur u shpall pavarësia, edhe sot, edhe nesër, Kosova është shtëpia e të gjithë qytetarëve, pa dallime etniteti e religjioni”, tha Kurti. /InLajmi/
