Pavarësia e Kosovës është shpallur me datën 17 shkurt 2008, në orën 15:39 minuta, shkruan InLajmi.
Himni i Kosovës i realizuar nga kompozitori Mendi Mengjiqi ka edhe tekst.
Të parët që nënshkruan deklaratën e pavarësisë së Kosovës, ishin: presidenti Fatmir Sejdiu, kryetari i kuvendit, Jakup Krasniqi, si dhe kryeministri i vendit, Hashim Thaçi.
Dizajnues i flamurit dhe i stemës së Kosovës është Muhamer Ibrahimi, i cili përveç që ka dizajnuar flamurin e Republikës së Kosovës, ka qenë edhe ushtar i UÇK-së në Zonën e Pashtrikut.
Pergamena e Deklaratës së Pavarësisë është mbi 200 vjet e vjetër.
Muzeu i Londrës ishte ai që ia fali Kosovës pergamenën ku u shkrua Deklarata e Pavarësisë së Kosovës.
Profesori Shyqri Nimani pas 16 orësh punë më 16 shkurt ka përfunduar shkrimin e Deklaratës së Pavarësisë.
Deklarata Origjinale e Pavarësisë së Kosovës që nga 17 shkurti 2008 gjendet në Kuvendin e Kosovës.
Shteti i parë që e njohu Kosovën ishte Kosta Rika. /InLajmi/
