Zafir Berisha flet ekskluzivisht për Gazetën InLajmi, për të arriturat e të munguarat e shtetit.
Ndër tjerash ai shpërfaq figurën më të fuqishme politike i cili sipas saj do të jetësonte synimet e qytetarëve në Kosovën e Pavarur.
InLajmi: 15 vjet histori e mbushur me ngjarje, ëndrra, synime, a është Kosova pranë apo shumë larg progresit të dëshiruar?
Zafir Berisha: Fillimisht, më lejoni të them se shpallja e Pavarësisë së Kosovës më 17.02.2008 ishte arritje më e madhe e shqiptarëve pas afro një shekulli me vuajtje, sakrifica e luftëra çlirimtare që kulmojnë me rezistencën titanike të UÇK-së. Në këtë 15 vjetor të Pavarësisë së Kosovës kemi një avancim të identitetit shtetëror, përkundër shumë problemeve që na ka shoqëruar, e të cilat i llogaris minore në raport me të arriturat.
InLajmi: Cili është mesazhi i juaj për politikbërësit në raport me fuqizimin e shtetit më të ri në botë?
Zafir Berisha: Si familjar i 3 të burgosurve politikë të viteve ‘80 nga okupatori serb, si ish-luftëtar i UÇK-së dhe deputet i legjistlaturës së lll që shpalli Pavarësinë e Kosovës, nuk mund të qëndrojmë indiferentë me zhvillimet që po ndodhin në Kosovë dhe rreth saj, prandaj mesazhi im është që qeveritë vijnë e shkojnë Kosova duhet të jetë mbi të gjitha, prandaj nuk duhet të ndalemi së punuari për të.
InLajmi: Kush do të ishte sipas juve figura më e fuqishme politike që do të jetësonte synimet e qytetarëve?
Zafir Berisha: Asnjëherë nuk kam pasur idol në politik, prandaj nuk kam emra të përveçëm për të përmendur, por mund të them se gjenrata jonë bëri një hap të madh drejt synimit për Shqipërinë natyrale, ashtu siç e ka falur zoti, e që i mbetet gjeneratave të reja në të ardhmen, ta realizojnë atë synim! /InLajmi/
