Shefi i Grupit Parlamentar të AAK-së, Besnik Tahiri, ka thënë se qytetarët e Kosovës e kanë humbur shpresën dhe kanë marrë rrugën e migrimit, raporton InLajmi.
Tahiri thotë se që prej ardhjes në pushtet të Qeverisë Kurti, Kosova është më e varfër.
“Duke i shtyrë përpara ligjet antikushtetuese është prekur shtylla kurrizore, bazamenti i një shteti që është administra ligjore dhe shteti ligjor. Kosova është më e varfër që nga 14 shkurti i vitit 2021. Qytetarët e Kosovës duke e humbur shpresën kanë marrë rrugën e mërgimit”, tha ai.
Sipas Tahirit, Qeveria Kurti është kthyer në një instancë që vetëm flet për 20 vjetët e kaluar.
“Duke mos mundur ta konceptojnë zhvillimin, duke mos pasur asnjë investim të huaj tash e 2 vjet, duke thënë se do të bëjnë me qindra çerdhe, Qeveria Kurti është kthyer në një instancë që vetëm flet për 20 vjetët e kaluar”, tha Tahiri në Kuvend. /InLajmi/
