Zgjim Hyseni nga Partia Socialdemokrate (PSD), ka reaguar pas deklaratës së deputetit të Lëvizjes Vetëvendosje, Haki Abazi ku ky i fundit tha se kryeministri, Albin Kurti dhe ministrja Albulena Haxhiu, kanë gisht në zhdukjen e provave të Rastit Dehari, përcjell InLajmi.
Hyseni ka thënë së Abazi ishte i dyanshëm që nga koha kur “lidhi kontratë” më VV-në.
Ai tha se VV i takon kokë e këmbë Kurtit, duke theksuar së në çdo parti egziston ky sistem, por që tek kjo e fundit po ndodh një fund .
Postimi i plotë i tij:
Haki Abazi ishte një kredi e keqe, kontrata mori fund
Haki Abazi-VV ka qenë prej fillimit marrëdhënie e dyanshme interesi: kontratë. VV njëmend përfitonte qasje në disa media, por edhe mashtohej fort se me Hakiun, ish drejtor në Rockefeller, po i hapen dyert e lobimit nëpër qendrat e vendosjes; pala tjetër, (Hakiu) teksa kishte paketuar veten sikur kreditë e këqija, merrte si kundërvlerë pozitën e 2-të në Qeveri. Fundi i kësaj kontrate është fundi i kësaj marrëdhënieje.
Rënia dhe ngritja e Hakiut, megjithatë, flet shumë për partinë. VV është parti me fillim dhe fund te Albin Kurti. Partitë në Kosovë përgjithësisht i karakterizon liderizmi, por rasti i VV-së është tjetër. Figura e Njëshit këtu nuk është veç mbyllje, është dhe greminë edhe shkretëtirë. Hendeku është i thellë edhe i gjatë. Nuk ka botë përtej tij. Nuk ka as ndryshe prej tij, as përtej tij./InLajmi/
