Deputeti i Lëvizjes Vetëvendosje Haki Abazi, ka thënë se kryeministri Albin Kurti ka dhënë urdhër për shkarkimin e tij nga pozita e kryetarit të Komisionit për Punë të Jashtme, raporton InLajmi.
“Mendoj që çështja kryesore këtu është se Kurti mendon që unë do të hidhërohem shumë dhe do të bëhem pjesë e atyre që duan ta rrëzojnë nga Qeveria. Kurti është në kërkim të atyre që duan ta rrëzojnë nga Qeveria”, ka thënë Abazi.
Abazi thotë se ekzistojnë audioincizimet e depuetetëve të VV-së që tentuan të shuajnë zërat e deputetëve brenda parlamentit.
“Ekzistojnë audioincizime që tregojnë diskutimet mes Saranda Bogujevcit, Mimoza Kusari-Lilës dhe Donika Mihajlit për ngufatje të zërave të deputetëve brenda parlamentit”.
Gjithashtu ai shtroi pyetjen se “Si është e mundur që në pushtetin e VV-së të zhduken mostrat e Deharit”, duke hedhur dyshimet se as Kurti nuk po thotë gjë.
“Videoincizimet janë ato që duhet t’i kërkoni për të konfirmuar kush ka zhdukur mostrat e rastit Dehari. Hulumtimi im i fundit, diskutimet që kam bërë me njerëz përgjegjës, kanë sjellur te shkarkimi dhe anatomimi brenda VV-së. Si është e mundur që në pushtetin e VV-së të zhduken këto mostra dhe kryeministri Kurti të mos e thotë asnjë gjë”. /InLajmi/
