Pjesëmarrësit në trafik shpeshherë ndeshen me situata të pa lakmueshme e të natyrave të ndryshme e nganjëherë edhe situata me rrezikshmëri gjatë qarkullimit në trafik, shkruan InLajmi.
Situata nganjëherë dinë të dal jashtë kontrollit dhe këto sjellin edhe aksidente të shumta trafiku.
E rreziku shtohet edhe më tepër kur problemet e paparashikueshme shfaqen në rrugë e të cilat rrezikojnë mjetet në komunikacion. Një rrezik i tillë për automjetet që qarkullojnë në magjistralen Prishtinë-Gjilan është shfaqur të mërkurën ku nga rrëshqitja e dheut dhe gurëve automjetet janë para një rreziku të mundshëm sikur edhe shihet në fotografi.
Gurë të mëdhenj e të vegjël shihen në rrugë e kjo situatë nuk është aspak e këndshme edhe pse rruga është e kalueshme automjetet janë të rrezikuara.
Qytetarë të shumtë të cilët kanë frekuentuar këtë rrugë kanë bërë thirrje për kujdes të shtuar gjatë vozitjes në këtë zonë./InLajmi/
