Avokati i Popullit, Naim Qelaj i cili ka raportuar të marten në Komisionin për të Drejtat e Njeriut, Barazi Gjinore, Për Personat e Pagjetur, Viktimat e Dhunës Seksuale, ndërsa ka shprehur shqetësimet e tij mungesë të zbatimit të Ligji për Mbrojtjen nga Diskriminimi, raporton InLajmi.
Tutje ka thënë Qelaj se ndërsa flasim për moszbatim të ligjit në fjalë kujtoj se ka pak raste kur institucionet përgjegjëse kanë shqiptuar gjobat në raste të caktuara.
Qelaj ka thënë se Ligji nuk zbatohet aspak, ndërsa ka shumë paqartësi dhe dilema në këtë ligj.
“Ajo çka mund të konstatoj që ky ligj gjen më së paku zbatim në praktikë. Që ligji nuk zbatohen e them më vëmendjen e plotë. Nuk kam informacion që është shqiptuar gjobë. Nëse i shtojmë kësaj që nuk ka as një rast të gjobave e shohim se këtu nuk ka zbatim. Një fushë që mbetët shumë e paqartë është vetë paqartësia që ka ligji gjë që shton nevojën e vlerësimit. Del e paqartë fushëveprimi i ligjit. Ne kemi parë shumë paqartësi dhe dilema nga autoritete e tjera që duhet ta zbatojnë këtë ligj. Ata kanë pranuar dhe kanë konfirmuar që kanë problem për zbatimin e këtij ligji. Qytetarët nuk e din se çka përmban ky ligj. Ne do të dalim me një raport shumë shpejt ku do t’i shprehim qëndrimet tona sa i përket ligjit”, tha Qelaj.
Nga ana tjetër drejtori i Zyrës Ligjore në Kryeministri, Mentor Burovci, duke u pajtuar me mangësit në ligjin në fjalë, bëri të ditur se Qeveri kanë vendosur që Ligji për Mbrojtjen nga Diskriminimi t’i bëhet një rivlerësim.
Sipas tij, vlerësim i Ligjit për Mbrojtjen nga Diskriminimi pritet që të kryhet në gjysmën e parë të këtij viti dhe pastaj do të pasojnë rekomandimet.
“Ne kemi planifikuar që t’i bëhet këtij ligji edhe një vlerësim. Zyra e kryeministrit ka formuar edhe një grup punues për vlerësimin e shkallës së zbatimit të ligjit për Mbrojtjen e këtij ligji. Këtë vit do ta kryejmë këtë vlerësim dhe do t’i japim rekomandimet tona”, theksoi Burovci.
Ndërsa Habit Hajredini nga Zyra për Qeverisje të Mirë nga zyra e kryeministrit, bëri të ditur institucionet relevante janë duke punuar një manual kundër ngacmimit seksual në administratën shtetërore.
Shqetësim tjetër aty ishte edhe mungesa e infrastrukturës së nevojshme për personat me aftësi të kufizuar. /InLajmi/
