Shefja e grupit parlamentar të Lëvizjes Vetëvendosje, Mimoza Kusari-Lila është shprehur e ashpër më të gjithë ata që po e kritikojnë Qeverinë e Kosovës, raporton InLajmi.
Kusari-Lila tha se gabimet që janë bërë më herët në dialogun Kosovë-Serbi, nuk duhen faturuar qeverisë aktuale.
“Gabimet e mëhershme s’duhet t’ia faturojmë qeverisë së sotme”, ka thënë Kusari-Lila në seancën e sotme plenare.
Përderisa Kusari-Lila kërkonte që mos të kritikohej qeveria në të cilën ajo bënë pjesë, ka hedhur akuza mbi qeveritë e kaluara, ajo tha se ideja e shkëmbimit të territoreve ka qenë faza më e rrëzikshme e procesit të dialogut në mes të Kosovës dhe Serbisë.
Fajëtor për idenë e shkëmbimit të territorëve i ka lënë qeverit e kaluara.
“Me idenë që 2 palët duhet të japin diçka, filloi edhe faza më e rëndë dhe e rrezikshme e procesit negociator në mes të Kosovës dhe Serbisë, ajo e shkëmbimit territorial, ajo kohë shkaktoi një tërmet politik në Kosovë dhe një reagim të duhur si nga spektri politik edhe nga shoqëria. Prej idesë për shkëmbim territorial e deri te mekanizmi antikushtetues, dëmi i asaj periudhe ende po e përcjell Kosovën, bindja që Kosova duhet të japë diçka mbeti e shënuar edhe në arsyetimet e sotme të bashkësisë kombëtare edhe te Serbia”, ka shtuar Kusari./InLajmi/
