Zëdhënësi i Qeverisë së Kosovës Përparim Kryeziu, ka renditur disa nga vendimet kryesore të javës së kaluar që miratoi Qeveria e Kosovës, duke filluar nga ligjet e deri te ndarja e buxhetit, përcjell InLajmi.
Kryeziu lavdëron Qeverinë e Kosovës për miratimin e ligjit për Byronë për Konfiskimin e Pasurisë së Pajustifikueshme, si dhe aprovimin e 3 marrëveshjeve të Procesit të Berlinit.
Gjithashtu përveç marrëveshjeve, ai thekson edhe përparimin e Qeverisë në luftimin e krimit siç është rasti me shkatërrimin e 3 laboratorëve të drogës brenda ditës.
Postimi i plotë i tij:
5 nga ngjarjet kryesore të javës së kaluar:
🔵Miratohet ligji për Byronë për Konfiskimin e Pasurisë së Pajustifikueshme. Byroja pritet të funksionalizohet deri në fund të vitit.
🔵Prezantohet masa e punësimit për të rinjtë e moshës 18-25 vjeç. Që në javën e parë u regjistruan mbi 1000 punëkërkues në platformën Superpuna.
🔵Shkatërrohen tre laboratorë të drogës brenda ditës. Vlera e sasisë së lëndës narkotike dhe pajisjeve të sekuestruara kapë shifrën 2.3 milionë euro.
🔵Miratohen në Qeveri tri marrëveshjet nga Procesi i Berlinit, për më shumë liri të lëvizjes dhe mundësi më të mëdha punësimi në Ballkanin Perëndimor.
🔵Ndahet buxheti për pagesën e 580 specializantëve me vetëfinancim dhe 10 specializantëve me vetëfinancim nga Republika e Shqipërisë, Malit të Zi dhe Maqedonisë së Veriut, për vitin 2023. /InLajmi/
