Komuna e Prishtinës këtë të hënë bëri të ditur se me rastin e ceremonisë së parakalimit të FSK-së në 15 vjetorin e Pavarësisë e Kosovës do mbyllen disa rrugë për qarkullim, përcjell InLajmi.
Rrugët që do të bllokohen janë “Luan Haradinaj” “Garibaldi” dhe rruga “Xhorxh Bush”.
Më tej Komuna njoftoi se këto rrugë do të jenë të mbyllura për qarkullim për të gjitha mjetet
Postimi i plotë i tij:
Të dashur qytetarë,
Me rastin e ceremonisë së parakalimit të FSK-së në 15 vjetorin e Pavarësisë së Republikës së Kosovës, ju njoftojmë se të premten, me datë 17 shkurt 2023, rr. “Luan Haradinaj”, rr. “Garibaldi” dhe rr. “Xhorxh Bush”, do të jenë të mbyllura për qarkullim për të gjitha mjetet.
Ju faleminderit për mirëkuptim. /InLajmi/
