Arabia Saudite do të dërgojë 2 astronautët e saj të parë në hapësirë, duke përfshirë astronauten e parë femër në Stacionin Ndërkombëtar të Hapësirës gjatë 3-mujorit të 2-të të vitit 2023, transmeton InLajmi.
Shtetasit sauditë Rayyanah Barnawi dhe Ali al-Qarni do t’i bashkohen ekuipazhit të misionit hapësinor AX-2 në një arritje që vjen në përputhje me Vizionin e Mbretërisë 2030.
Fluturimi hapësinor do të nisë nga Shtetet e Bashkuara në Stacionin Ndërkombëtar të Hapësirës.
Në dhjetor të vitit të kaluar, eksploruesi i hapësirës nga Emiratet e Bashkuara Arabe, Rashid Rover u nis për në Hënë me një anije kozmike japoneze në një mision 5-mujor, shkruan Alarabiya News.
Në shtator, Komisioni saudit i Hapësirës nisi një program astronautësh, me qëllim trajnimin e personelit saudit për fluturime hapësinore me kohëzgjatje të gjatë dhe të shkurtër dhe pjesëmarrje në ekspedita shkencore dhe misione të ardhshme. /InLajmi/
