Një notere kiliane, Barbara Hernandez u bë notarja e parë që përshkoi 2.5 kilometra në ujërat e ngrira jashtë Antarktidës të hënën, transmeton InLajmi.
Barbara Hernandez është një notare me përvojë në ujëra të hapura, që ka vendosur rekordin botëror të Guinness si vajza më e shpejtë që ka kaluar Kilin jugor.
Ajo u emërua notarja e grave e vitit 2020 nga Shoqata Botërore e Notit në Ujë të Hapur.
Të hënën, ajo përshkoi 2.5 kilometra në 45 minuta, 50 sekonda përmes Gjirit të Kilit, jashtë ishullit Greenwich në Gadishullin Antarktik.
Ajo e bëri notin me rroba banje të thjeshta në ujë në 2.2 gradë Celsius, shkruan Swimimng World.
“Jam shumë e lumtur dhe kaq e lehtësuar që gjithçka shkoi mirë”, tha Hernandez në një deklaratë për shtyp. “Noti në Antarktidë ka qenë një ëndërr që e kam pasur prej vitesh dhe pjesë e ambicies sime të gjatë për të notuar në pjesë të të 7 oqeaneve të botës. Fizikisht ka qenë tepër e vështirë, por gjithçka ia vlen nëse mesazhi mbi nevojën për veprim urgjent për të mbrojtur këto ujëra të mahnitshme arrin tek vendimmarrësit.” /InLajmi/
