Drejtor ekzekutiv në Institutin Demokratik të Kosovës, Ehat Miftaraj deklaroi se në Kosovë, janë me mijëra objekte banesore pa pranim teknik, përcjell InLajmi.
Miftaraj shtoi se shteti do të duhej të merr mësim nga tërmeti nê Turqi, dhe të veproj.
Më tej ai shtoi se deri më tani nuk ka asnjë veprim nga ana e shtetit për këto prona.
Postimi i plotë i tij:
Afërsisht 30.000 viktima të tërmetit në Turqi dhe Siri. Sipas OBSh, numri i viktimave mund të dyfishohet! Mbi 5.000.000 njerëz pa kulm mbi kokë.
Ndërkohë në Kosovë, janë me mijëra objekte banesore pa pranim teknik.
Pse? Sepse, shteti mbyll sytê para pronarêve tê kompanive të ndërtimit.
Pse? Sepse, për çdo objekt banesor, pronarët e kompanive të ndërtimit kur kanë tejkaluar lejet e ndërtimit duhet të paguajnë mbi 80 mijë Euro pêr të marr pranimin teknik.
Sa dinë banorët se ku jetojnë, sa është cilësia e ndërtimit, sa janë të sigurta këto objekte, pothuajse pak ose hiq.
Shteti do të duhej të merr mësim nga tërmeti nê Turqi, dhe të veproj. Të merret me shkakun sot, dhe jo pasojat nesër.
Gjatë fushatës parazgjedhore kanê premtuar se do të trajtojnë këtë problem, deri tani asnjê veprim.
P.S. Shteti në këtë rast është pushteti qendror dhe ai lokal, ku hyn të gjitha partitë politike pa dallim. /InLajmi/
