Juristi Ehat Miftaraj, ka shprehur shqetësimin për cilësinë e ndërtimit të objekteve banesore në Kosovë, përcjell InLajmi.
Miftaraj thotë se Kosova duhet të marrë mësim nga tërmeti në Turqi dhe të ndërmarrë masa ndaj pronarëve, të cilët kanë ndërtuar objekte banesore pa pranin teknik.
Ai thotë se objektet banesore në Kosovë janë të pasigurta.
Gjithashtu juristi thekson se Qeveria e Kosovës në fushatë parazgjedhore kishte premtuar se do ta zgjidhë këtë çështje, mirëpo deri tani sipas tij, nuk është ndërmarrë asgjë.
Postimi i plotë i tij:
Afërsisht 30 mijë viktima të tërmetit në Turqi dhe Siri. Sipas OBSh, numri i viktimave mund të dyfishohet! Mbi 5 milion njerëz pa kulm mbi kokë.
Ndërkohë në Kosovë, janë me mijëra objekte banesore pa pranim teknik.
Pse? Sepse, shteti mbyll sytê para pronarêve tê kompanive të ndërtimit.
Pse? Sepse, për çdo objekt banesor, pronarët e kompanive të ndërtimit kur kanë tejkaluar lejet e ndërtimit duhet të paguajnë mbi 80 mijë Euro pêr të marr pranimin teknik.
Sa dinë banorët se ku jetojnë, sa është cilësia e ndërtimit, sa janë të sigurta këto objekte, pothuajse pak ose hiq.
Shteti do të duhej të merr mësim nga tërmeti nê Turqi, dhe të veproj. Të merret me shkakun sot, dhe jo pasojat nesër.
Gjatë fushatës parazgjedhore kanê premtuar se do të trajtojnë këtë problem, deri tani asnjê veprim.
P.S. Shteti në këtë rast është pushteti qendror dhe ai lokal, ku hyn të gjitha partitë politike pa dallim. /InLajmi/
