Deputetja më e rë e nga Lidhja Demokratike të Kosovës, Doarsa Kica-Xhelili ka reaguar ashpër ndaj ministres së Drejtësisë, Albulena Haxhiu ku kjo e fundit përmes një deklarate gjatë ditës së premtë i kërkoi prokurorit të tërhiqej nga rasti ku kjo ishte e akuzuar në lidhje me hedhjen e gazit lotsjellës në kuvend para 7 vjetësh, raporton InLajmi.
Kica-Xhelili tha se Haxhiu nuk kërkoi drejtësi ose mundësi për të shprehur qëndrimin e saj, por i kërkoi prokurorit të dorëzohet.
“Dje ministrja e drejtësisë në seancën gjyqësore ku ka aktakuzë të ngritur kundër saj personalisht i kërkoj prokurorit të dorëzohej. Dorëzohu i tha nuk është kurrë vonë dhe jo nuk e tha ndonjë përfaqësues i saj e tha ajo vetë. Nuk tha kërkojë drejtësi, në vend të shumë mundësive që kishte për të shprehur e përmbyllur qëndrimin saj prej të akuzuarës ajo i tha prokurorit dorëzohu. Këtë e tha ministrja e drejtësia pasqyra e asaj që metonë të jetë fytyra e sundimit të ligjit në Kosovë”, tha Kica-Xhelili.
Ndër të tjera deputetja tha se kjo qeveri ka ardhur në krye të shtetit duke premtuar ndryshim, pavarësi për gjyqësorin, mbështetje financiare e shumë e shumë premtime, por që siç thotë Kica-Xhelili fatkeqësisht po dëshmohet e kundërta.
“Është premtuar ndryshim, pavarësi e gjyqësorit e mbështetje financiare të sistemit të drejtësisë, është premtuar për ministra pa aktakuza fatkeqësisht realiteti po na dëshmon të kundërtën. Një ministre e drejtësisë e cila i kërkon drejtësisë dorëzim duhet të dorëzohet vetë ose të shkarkohet, ajo nuk ka kredibilitet për të udhëhequr me sektorin e drejtësisë. Nga sot e tutje dhe çdo ditë që ajo vazhdon që ta ketë këtë pozitë ndërhyrja në sistemin e drejtësisë do ta mbaj emrin e kryeministrit. Kosova ka nevojë për prokurorë që nuk dorëzohen, posaçërisht kur kërcënohen nga njerëz të pushtetit, qofshin Elez, qofshin Lumez, prokurorët kërcënimin nuk e kanë për herë të parë” ,tha ajo./InLajmi/
